UPC (NEI) inkhawmpui lian a ṭiak

UPC (North East India) inkhawmpui lian, General Conference vawi 51-na, April 11, Ningani zana Churachandpur EL High School campus-ah ṭan chu nizan khan a ṭiak.

Inkhawmpui hi a ṭan zanah Rev. SR Tourngam chuan Pathian hnenah hlanin a hawng a, palai inhmelhriattirna neih a nih bakah, general superintendent Rev. Lalmalsawma Sailo-in jubilee souvenir 'Ebenezer' tih chu Pathian hnenah hlanin a tlangzarh.

April 12, Zirtawpni khan nilengin General Missions, General Sunday School leh General PYD-te'n rorel inkhawm an nei a, April 13, Inrinni khan kohhranpuiin pandal-ah rorel inkhawm an nei bawk. Nimin Pathianni khan chawhma inkhawmah ordination service hun hman a ni.