Khuangchera Group YMA-in Aizawl District-a awm an duh
Khuangchera Group YMA Executive Committee tun hnaia Reieka ṭhukhawm chuan, Aizawl district-a bet tura hmalak chhunzawm an rel.
Khuangchera Group YMA chuan, an huam chhunga khaw 12-te Mamit district-a an awm chuan inkalpawhna leh kawng tam takah mipuiin harsatna an tawh ṭhin avangin, Aizawl district-a awm turin sorkarah an lo thlen tawh ṭhin bawhzuia hmalak chhunzawm an rêl a, "Sorkarin kan harsatna tawh hi min hriatpui tawh a ni," an ti.
An huam chhunga South Khawlek leh Chungtlang inkar ram chhung luia nungcha leh an huam chhunga ramsate chu humhalh tlat a nih thu tarlangin Khuangchera Group YMA chuan, "Lui lam sate hi dynamo, tûr etc. hmanga man khap tlat a ni," an ti a; nungchate inthlan pun hun March - Sepetember chhung phei chuan an humhalh nat leh zual thu an tarlang.