Book of the Year 2018

16th April, 2019

Mizo Academy of Letters (MAL) chuan kum tina an tih ṭhin angin, kum 2018 chhunga Mizo iráwm chhuak lehkhabu zinga ṭha ber thlanna, Book of the Year thlanna an zo ta a, Book of the Year 2018 atan 'Hringnun hrualhrui' tih lehkhabu, Mafaa Hauhnar (H Lalrinfela) ziah an thlang. Book of the Year lawmman hi MAL Foundation Day, April 23, 2019-a MBSE Conference Hall-ah hman hunah hlan a ni ang.

Book of the Year 2018 thlang tur hian MAL chuan kum 2018 chhunga Mizo ṭawnga lehkhabu chhuak 120 an la khawm a, lehkhabu 120 aṭang chuan top 20 an thlang phawt a ni. Top 20 aṭangin Top-10 an thlang a, Top-10 aṭangin Top-3 an thlang leh a; Top-3 zing aṭangin Book of the Year an thlang chhuak ta a ni.

Book of the Year 2018 thlannaa a ṭha zual pathumte chu - Zoremi Hmar Zote ziah 'Chumchi lêng' tih te, Mafaa Hauhnar ziah 'Hringnun hrualhrui' tih leh, Lalṭhuamliana ziah 'Vantlang vanram' tihte a ni.