MP candidate-in a ngaidam

Mizorama Lok Sabha inthlanpuia independent candidate Lalthlamuani, Dawrpui chuan, a chhin­chhiahna (symbol) Vanglaini chanchinbu-in inthlan vote thlak ní, April 11-a an tihsual chungchangah, Vanglaini chu Mizo Kristian taka a ngaihdam thu a sawi.

Chhinlung Israel People's Convention (CIPC)-in an thláwp Lalthlamuani hi nimin khan Dawrpui venga an chenna inah thuthar thehdarhtute'n an kawm a; Vanglaini chanchinbu-in MP election-a candidate-te leh an awmna pawl symbol an tihsual chu Vanglaini joint editor Lalnghinglova Hmar tan thil pawi thei a nih zawk avangin, tihsual luih ngam chia a ngaih loh thu a sawi.

Lalthlamuani chuan, Vanglaini-in a symbol an ziah sual chu tih luih ni theia a ngaih loh thu te, ani chu mi tumahin tlinga an rin loh a ni a, a symbol tihsual luih chhan tur awma a hriat loh thu a sawi a, "Mizo Kristian kan nihna ang te, YMA kan nihna angte pawha kan chhehvel hnamte laka kan lan mawi zel theihna atan kan ni tin ṭawngṭaina ṭhin, 'Kan chunga thil tisualtute kan ngaidam angin' tih hi a taka nunpui ni se ka duh hle a ni," a ti.