Thlai chíng turte tan training buatsaih

Horticulture department chuan nimin khan an directorate conference hall-ah fûr zîkhlûm leh dragon fruit chíng tura thlante tan training an buatsaih a, Horticulture director Elizabeth Saipari'n a hmanpui.

Elizabeth Saipari chuan, fûr zîkhlûm chî hmuh a harsat thu sawiin, "Fûr leh khawlum pawh tuar thei tura siam a ni. A lak luhna kawngah harsatna kan nei nasa hle a, a hlutzia hria a, uluk taka enkawl tur a ni. A chi lak chhuahna atan hian kawng thui tak kan zawh a ni," a ti.

Thlai hralh kawngah Commerce & Industries department nen an thawhho zel thu sawiin Horticulture Director chuan, "State páwna hralh chhuah thlengin hma kan la. Rilruah hian fûr laiin zîkhlum kan intodelh tur a ni tih hi i nei ang u," a ti a; zîkhlûm ram páwn aṭanga lak luh ṭhin tihtawp a pawimawh thu a sawi.

Elizabeth Saipari chuan, zikhlum leh dragon fruit chíng turte chu an thar chhuahte chu anmahni intun nunna tur a ni tih hria a, ṭha­hnemngai taka thawk turin a chah.

Dragon fruit leh fûr zikhlum chíng tura thlante hi Horticulture department chuan a chi bakah ṭanpuina sum an pe dawn a ni.