MNF candidate-in Bru-te tana sum dilna a hriatpui lo

Lok Sabha inthlanpui neih zawh tâka MNF candidate C Lalrosanga chuan, Bru pawl hrang hrangte hminga vote thlak tura Aizawl aṭanga hawna tur sum pe tura amah an dil anga tarlanna lehkha darh chu a hriatpui loh thu a sawi.

Thuthar thehdarhtute zawhna chhangin C Lalrosanga chuan, "Lehkha darh hi engmah ka hriatpui lo a, kei chuan ka dawng lo. Hetia a darh pawh hi nimin (Thawh­-ṭanni) khan whatsapp aṭangin ka hmu chauh a ni. Chu bakah, pawisa cheng khat pawh ka pe lo hrim hrim. Hemi chungchangah hian engmah hriat ka nei lo," a ti.