LADC leh CADC V/C inthlan hun atan May 8, 2019 ruat

Mizoram State Election Commission (SEC) chuan April 15, Thawhṭanni khan notification tichhuakin, Lai Autonomous District Council (LADC) chhunga village council (V/C) inthlanpui leh Chakma Autonomous District Council (CADC) chhunga V/C bye-election hun atan May 8, 2019 ruat a nih thu a tarlang.

SEC tarlan danin, inthlana chuh turte tan April 24, 2019 thleng nomination file theih a ni dawn a, nomination lutte chu April 25-ah endik a ni ang. Inhnuhdawh duhte tan April 26 thleng hun hawn a ni ang a, May 8-ah zing dar 7 aṭanga tlai dar 4 inkarah vote thlak tur a ni. Vote tlate chu vote thlak zawhah a rang thei anga chhiar a ni ang.

LADC chhungah hian V/C 95 a awm a, LADC chhunga bye-election neihna tur chu V/C paruk niin, chu'ngah chuan V/C seat 12 a awm a ni.