Tuipui lui leh a hnárte tifaiin hnatlang

April 3, Inrinni khan Champhai khawpui fai, mawi leh hrisel siam kawnga hmalakna kal zelah Champhai khawpuia VC hrang hrang leh YMA sub-headquarters bultumin Champhai khawpui tui tlan Tuipui leh a fintu luite tihfai hnatlang huaihawt leh a ni.

Hnatlang hi Champhai South bialtu MLA TJ Lalnuntluanga, minister of state-in a tlawh a; Clean, Beautiful & Healthy Champhai Committee chairman Maria CT Zuali, bawrhsapin a telpui bawk. Veng 13 aṭangin mi 2,691 an thawk chhuak a, Tuipui lui hnár leh Tuipui pawhtu Keilungli luia plastic/polythene leh hnawm­hnawkte thenfai a ni.

Tuipui hi Champhai khaw páwn, Khankawn bula hnár nei a ni a, Champhai leilet phaizawlah a luang lut a, Champhai khawpui a hêl kual hnuah chhim lam hawiin a luang a ni. Champhai khawpui tui tlan ber a nih bakah, leilet phaizawl buh leh thlai châwmtu a ni bawk.