Education Director-in sikul a hawng

Reiek khuaa higher secondary school (HSS) hmasa ber St. Benedict’s Higher Secondary School chu nimin khan School Education director Lal­zarmawii'n a hawng.

Lalzarmawii chuan, Reiek khua chu zirna lama ṭhangharh hmasa, IAS eng emaw zat leh mi thiam langsar tak tak nei tawh a nih thu sawiin, "Mi ṭha­hnemngaite zara HSS din a ni ta hi a lawmawm hle. Tun dinhmunah zirlai la tam viau lo mah ula, in la pung chho ve zel ang a, zirnaah chuan tam lam aiin zirna quality a pawimawh zawk avangin mi hmantlak ni tura theihtawp chhuah­in bei ang che u," a ti.

Education Director hian St. Benedict’s Higher Secondary School hi computer set khat, green­board leh chalk a pe a ni.

St. Benedict’s HSS hi arts subject zirna tur a ni a, a bul ṭannaah hian thawktu pasarih leh zirlai 16 an awm a ni.