Vote chhiar turin inbuatsaih mek

Mizoram Election department-te chu April 11, 2019-a Lok Sabha inthlanpui leh Aizawl West-I Assembly consti-tuency-a bye-election-a vote tlate chhiar turin an inbuatsaih mek.

Joint chief electoral officer H Lianzela hnen aṭanga Vanglaini thu dawn danin, vote chhiar tur hian kawng hrang hrangin inbuatsaih mek a ni a, Supreme Court order avangin ruahmanna ṭhenkhat tihdanglam a ni.

Supreme Court chuan, constituency pakhata VVPAT pakhata vote tlate chhiar tura thutlukna a siam hnuah tun hnaiah VVPAT pangaa mi tal chhiar turin thutlukna a siam leh a ni.

Vote chhiarna tur counting hall-te chu constituency pakhat tan pakhat zel siam tum a ni a, counting hall 40 a awm ang. Vote tlate chu May 23, 2019 zing dar 8-ah chhiar ṭan tur a ni.