Kumin chhungin NEC-in Mizoram tan Cheng nuai 1,498.07 a pe chhuak tawh

North Eastern Council (NEC) chuan kumin chhungin Mizoram tan cheng nuai 1,498.07 a pe chhuak (release) tawh. Sum a pek chhuahte chu January-March chhunga pek chhuah a ni a, April thla (sorkar kum thar) bikah erawh chuan pek chhuah a la awm lo.

NEC website-a tarlan danin, NEC-in kumin (2019) chhunga Mizoram tana sum a pek chhuah dan chu - January thlaah cheng nuai 273.59, February thlaah cheng nuai 120.44 leh March thlaah cheng nuai 1104.04 a ni. Sum pek tamna ber chu Dawrpui, Aizawla New Market building sakna tur a ni a, hemi atan hian cheng nuai 528.36 pek chhuah a ni.