8th Batch SRS-te'n an hun chhungin ruihhlo tam tham tak an man

Central YMA hnuaia ruihhlo dotu, Supply Reduction Service (SRS) batch pariatnate chuan an hun chhung, December 20, 2018 aṭanga March 31, 2019 inkar chhungin ruihhlo leh pawisa lem tam tham tak an man.

SRS 8th Batch hian ruihhlo hrang hrang chi kua leh pawisa lem Rs. 3,23,750 hû an man a, ruihhlo leh pawisa lem kaihhnawihah mi 959 an man. Mi an man zinga 82 chu home-ah an dah a, mi 18 chu Excise & Narcotics department hnenah pein, mi 16 chu Police hnenah an pe a, mi 458 chu counselling neihpui an nih hnuah chhuah an ni.

March 31, 2019-ah SRS 8th Batch-te hun a tâwp a, Central YMA chuan SRS batch pakuana a din thar leh tawh a, April 1, 2019 aṭang khan ruihhlo do hna an thawk ṭan a, an term chu June 30, 2019 thleng tura ruahman a ni.