MP Vena'n Pakistan ráltlânte a tlawh

Rajya Sabha MP K Vanlalvena chuan April 3, Inrinni khan Delhi hmar lam, Jehangirpuri, Yamuna lui kama Pakistan aṭanga Hindu ráltlânte awmna (camp) a tlawh a, an hruaitute kâwmin, an dinhmun tlangpui a sawipui.

Sorkar thuchhuah tarlan danin, Jehangirpuri refugee camp-ah hian kum kua vel kal taa Pakistan aṭanga Hindu ráltlân chhungkaw 170 vel an khawsa mek a, mi 1,500 vel an ni. India sorkarin ráltlante awmna turin ram acre 4 vela zau a pe a, chhungkaw tin tan tawm hulna tur a saksak bawk.

Pakistan Hindu ráltlânte a tlawhnaah hian K Vanlalvena hi Delhi Police-a Special Police Force for NE Region-in an ṭawiawm a; ráltlante chuan an dinhmun leh harsatna tawhte an lo hrilh. An harsatnate chu Union Home Minister hnenah a thlensak tur thu MP pawhin a hrilh a ni.