DEO leh party aiawhte inkâwm

Serchhip district election officer (DEO) leh returning officer Kumar Abhishek chuan nimin khan DC pisa meeting hall-ah political party hrang hrang aiawhte a kâwm. Inkawmhonaah hian general observer Lokesh Kumar pawh a tel a ni.

Bawrhsap Kumar Abhishek chuan, by-election felfai tak buatsaih a nih theih nan party hrang hrang aiawhte chu thawhpuiah a sáwm a, "Election Commission of India-in inkaihhruaina dan a siamte ṭha taka kan zawm ṭheuh ka duh. Thil dik lo hmuh leh hriat in neihte chu rang taka action kan lak theih nan min hrilh vat ang che u," a ti.