Hmasawn turin MLA fund a tâwk lo - Robert Romawia

MNF adviser Robert Romawia Royte chuan nimin khan Serchhip Hmarveng community hall-a Serchhip Hmarveng, Bazar Veng, Chanmari leh Field Venga MNF hotute puala political training-ah thu sawiin, Serchhip bial tihmasawn turin MLA fund a tâwk lo a, department fund, sorkar fund pui hnuh chhuah a ngai niin a sawi.

Robert Romawia Royte chuan, by-election chu kum 2018-a inthlanpui nen a inang lo tih sawiin, "Tunah chuan vote thlak ní leh a hnu thlengin Pu Zoramthanga hi chief minister a ni zui zel dawn tih kan hria a, Serchhip mipuite hi kan fing tawh turah ka ngai. Kum 2018 angin CM tur nge tur lo khaikhina vote thlak a ngai tawh lo," a ti.

Khawpui tihhmasawn a pawimawh tih sawiin Robert Romawia chuan, "Serchhip bial tihmasawn tur hian MLA fund a tâwk lo, MLA fund chauha thuneitu chu kan khawpkham lo ang. Sorkar lam ṭang bialtu, department fund pui, sorkar fund puia thuneitu leh hâi chhuak theitu kan mamawh," a ti a; MNF candidate Vanlalzawma thlang tling turin Serchhip bial mipui a ngen a ni.