Vangchhiaah World Heritage Day hmang

Archaeological Survey of India (ASI), Aizawl Circle huaihawtin April 18, Ningani khan Vangchhia community hall-ah World Heritage Day lawmna hun an hmang a, Champhai DC Dr Naveen Aggarwal-i'n a hmanpui.

Dr Naveen Aggrawal chuan, Vangchhia khaw­tlang mipuiin zirna ngai pawimawh a, khual chhâwn thiam thei tura ṭawng an zir thiam a pawi­mawh thu sawiin, Vangchhia khaw bula pipu sûlhnu hluite chu humhalh ṭha tur leh tihmélhem lo turin a chah a, "World Heritage site-te hi dan hnuaia humhalh vek a nih avangin, tihbawrhbáng leh tihmelhem lo tura fimkhur a ṭul a ni," a ti.

ASI, Aizawl Circle-a hotu Dr Sugeet Nayan chuan, "World Heritage Day hmang hian khawvela mihring sûlhnu hlui humhalh te, khuanu thil siam leh hnam nunphung humhalh ngaite humhalh leh venhim chungchang mipui hnena zirtir tum a ni," a ti a; Vangchhia hmuna pipu sûlhnu hai chhuah kawng leh World Heritage Day huaihawtna tura khawtlang nena thawh­hona ṭha tak an nei thei chu lawmawm a tih thu a sawi.

World Heritage Day pual hian zirlai naupangte tan hmânlai lungphun lem inziahsiak (painting competition- Any Monu­ment of India or Menhirs of Vangchhia) leh malzai lam leh mahni tih theih zawng entir (talent show) hmanga inelna buatsaih a ni.