MRB-in MTP hnenah morgue van a pe

Mizoram Rural Bank (MRB) chuan corporate social responsibility (CSR) aṭangin April 18, Ningani khan Mara

ṭhalai pawl - Mara Thyutlia Py (MTP), Siaha hnenah mitthi phurhna, morgue van an hlan. Motor hi Reserved Bank of India (RBI) general manager Mary Deng-in MTP hruaitute hnenah a hlan a; hlanna inkhawm chu Hotel Regency, Aizawlah neih a ni.

MRB hian CSR hnuaiah financial year 2018-19 chhung khan cheng nuai 28 an hmang. MTP hnenah morgue van an pek hma hian YLA hnenah morgue van, Baptist Child Orphanage-ah motor Eeco van, Synod Hospital hnenah Plasma Expressor Penpol, Mizoram Cancer Care Foundation hnenah washing machine leh steel almirah, Gilead Special School leh Hermon Children's Home-ah water cooler an pe a; Aizawl DC hnuaia sorkar middle school-ah science programme RAHBI an sponsor bawk.

MRB hian branch 85 nei mekin, Mizorama branch nei tam ber bank a ni a; thawktu mi 416 an awm mek a ni.