Minister-in P&S insawn dan tur enpui

Printing & Stationery minister Lalchhamdama Ralte chuan nimin khan Printing & Stationery pisa a tlawh a, an hnathawhna leh office chu hmun dang­a sawn chhuah tura rua­hman mek a nih avangin insawn dan tur a enpui.

Lalchhamdama Ralte hi Printing & Stationery-a controller Zodingpuii leh thawktu dangte'n an lo dawngsawng a; khawl chi hrang hrang hnathawh dan an lo hrilh­fiah a, sorkar lehkha pawimawh te, calendar leh thil pawimawh dang an chhut dante an lo kawhhmuh a ni.

Department khawl lian ber SM-74 Heidelberg four colour khawl chu Germany siam a ni a, duh hun huna laksawn mai theih loh a nih dan sawifiahin Zodingpuii chuan, "A sawn tur pawhin hmun danga mi expert rawih a ṭul," a ti.

Printing & Stationery department hi Mizoram Secretariat Annex-II building, Assembly House ep chiahah an insawn dawn a, tunlai hian an khawl bunna tur leh hmanrua chi hrang hrang dahna turte an buaipui mek a ni.