Service ti ṭha turin hriattir

Central Young Lai Association (CYLA) chuan, BSNL leh Airtel chu Lawngtlaiah an service a ṭha tâwk loa an hriat avangin, April 18 khan lehkha an pe a, chawlhkar hnih chhunga an service ti ṭha turin an hriattir.

CYLA chuan, BSNL leh Airtel thuneitute nen kum 2018 khan an service tihchangtlun a nih theihna atan inremna an siam niin an sawi a, "Hun tiam chhungin inremna kan lo siam tawh hi a hlawhtlinna hmuh tur a awm mumal lo a, Lawngtlai mipuite rawknaah kan ngai," an ti.