State animal hliam chhan a ni

April 19, Zirtawpni chawhnu lam khan Thenzawl leh Serchhip inkara Mat lui hnar lamah Mizoram state animal sazâ (serow) hliam hmuh a ni a, lui aṭanga lak chhuah niin, Aizawlah enkawl mek a ni.

Thenzawla Vantawng chanchinbu editor Liantluanga Renthlei hnen aṭanga thu dawn danin, saza hi a ke ruh a tliak a, lui chunga khâmah a tla a nih rin a ni. Thenzawl leh Serchhip mi te, Thenzawla Forest department leh AH&Vety department thawktute'n an la chhuak a, Thenzawla Vety Dispensary-ah enkawl nghal a ni a; Inrinni zing khan Aizawla enkawl turin lak leh a ni.