Vote thlâk nía zawm tur tichhuak

Serchhip district election officer (DEO) leh by-election-a returning officer Kumar Abhishek chuan nimin khan Serchhip biala by-election neih tura vote thlak nía mipui zawm tur hriattirna a tichhuak.

DEO tarlan danin, vote thlak níah vote thlak zote vote an thlakna party/candidate lo zawh a, chumi behchhana inthlannaa tling tur rin lâwkna (exit poll) siam te, print media leh electronic media hmanga thehdarh khap a ni. He khapna hian vote thlak ní zing dar 7 aṭanga tlai dar 6:30 thleng a huam.

Inthlan nía vote thak tawp hun tlai dar 6 aṭanga chhiar lêta darkar 48 chhungin opinion poll emaw, poll survey emaw chungchang thendarh khap a ni bawk. Phal loh thil ti luite chu kum hnih chhung tàntir emaw, pawisa chawitir emaw, a pahnih emawa hrem kawp theih a ni.