Expenditure Observer-in kâwm

Serchhip constituency by-election atana expenditure observer Pankaj Upadhyay chuan nimin khan Serchhip DC pisa meeting hall-ah Expenditure Monitoring Cell-a thawkte leh political party aiawhte a kâwm a, inthlan inbuatsaihna kal meka candidate-te sum hman dan vil dan tur a sawipui.

Pankaj Upadhyay chuan, mipuite chu inthlan kalpui chhoh mekah campaign leh thil danga sum hmanna dik lo leh fel lo awm emaw, inthlan senso thila hriat duh leh zawhfiah duh nei tan amah chu biak theih reng a nih thu a sawi. Expenditure Observer hi phone number 9362603048-ah biak theih a ni.