Police-in nuai 2242.24 hù ruihhlo man

Mizoram Police chuan nikum October thla aṭanga kumin March 31 thleng khan ruihhlo chi hrang hrang Rs. 22,42,24,415 hù an man a, Assam Rifles nen joint operation an neihna aṭangin Rs. 6,04,75,000 hù ruihhlo an man bawk.

October 1, 2020 aṭanga March 31, 2021 thlengin Mizoram Police chuan heroin kg. 2.176, Alprazolam mûm 110, cannabis plant kg. 1.650, ganja kg. 57.343 leh Methaphatamine mûm 7,20,270 an man a, a vaiin Rs. 21,60,81,000 hù a ni. Ruihhlo an man kaihhnawihah mi 62 an man tel a, thubuai 44 ziah luh a ni.

October 1, 2020 aṭanga March 31, 2021 chhung vêkin Mizoram Police leh Assam Rifles ṭang rualin Methaphatamine mûm 2,36,000 an man a, Rs. Rs. 6,04,75,000 hù a ni. Meth man kaihhnawihah hian mi pakhat man a ni bawk.