Zirlai nu leh pate'n sikul thawm ṭha
Lunglei district khawthlang lama Bunghmun Primary School-I building chu a chhiat tawh avangin a chhe zual laite thawm ṭhain sikula lut zirlai nu leh pate chu April 22, Thawhṭanni khan an hnatlang.
Sikul thawm ṭhatnaa hnatlangte chuan ṭhutthleng leh dawhkan chhe zualte an siam ṭha a, tukverh eng emaw zat an thawm ṭha bawk. Hnatlangah hian zirlai nu leh pate bakah, khaw chhunga mi tlawmngai ṭhenkhat pawh an tel a ni.
Bunghmun P/S-I zirlai nu leh pate sawi danin, kum 2016 khan Bunghmun P/S-I ah hian zirtirtu indaih loh vangin zirlaite'n harsatna an tâwk a, sorkarin thawktu a dah belh mai loh avang leh, zirlaite harsatna zualpui sutkian a ngaih avangin, nu leh pate'n sum thawh khawmin zirtirtu an lo ruai tawh a ni.
Bunghmun P/S-ah hian thawktu an indaih loh avangin, zirlai nu leh pate chuan sum thawh khawmin, zirtirtu pakhat an ruai leh mek bawk niin an sawi.