KHAWTHLIR

Civil Services Day
April 23, Thawhlehni khan chief secretary Lalnunmawia Chuaungo hoin a pisaah Civil Services Day, 2019 hman dan tura ruahmannate enho a ni. Rua­hman dan chuan, Civil Services Day hi April 29-ah Vanapa Hall-ah hman a ni dawn a, Chief Minister’s Award for Excellence in Public Administration leh mi harsa leh chanhai zawkte tana thawh hlawk, mi dang tana thawk nasa tak tak (sorkar hnathawk ni lo) hnenah chawimawina sang ‘Chief Minister’s Award for Excellence in Public Service’ hlan a ni ang.

Thisen pe
Lunglei Higher Secon-dary School NSS unit chuan nimin khan an sikulah blood donation camp an huaihawt a, Lunglei Civil Hospital tan thisen unit 53 an pe a, a petute mipa 32 leh hmeichhia 21 an ni.

Patron atan la lut
Lawngtlai District Bharat Scouts & Guides chuan April 23, Thawhlehni khan Lawngtlai DC Shashanka Ala chu patron atan an la lut. Lawngtlai DC chuan, Scouts & Guides chuan India ram an timawi tih sawiin, “An awmna hmun apiangah Scouts & Guides-te hian sûlhnu ṭha, chhinchhiah tlak an hnutchhiah ṭhin,” a ti. Lawngtlai chhung bikah hian Scouts & Guides unit 12 a awm a, member 400 chuang an awm mek a ni.

Zirlai thlah
Presbyterian Bible School (PBS) chuan April 23, Thawhlehni khan PBS batch 45-nate thlahna leh hlanna inkhawm, Pi Zaii Hall, Synod Conference Centre-ah an hmang. Farewell and Dedication programme hi Synod executive secretary Rev. K Lalrinmawia’n a kaihruai a, Synod secretary (Jr.) Rev. Vanlalrova Khiangte-in zir chhuakte hnenah certificate a hlan. PBS-ah hian a din tirh aṭanga tun thlengin zirlai 2,189 zinga 1,853-in an zir chhuak tawh a ni.

Health clinic
Health minister Dr R Lalthangliana ruahmannain Hnahthial damdawi-ina thawkte chuan nimin khan Tuipui-D khuaah Awareness cum Clinic an buatsaih a, mi 100 chuang an inentir. Clinic-ah hian PMJAY chungchang inhrilhfiah a ni a, kum upate hnenah tarmit sem a ni bawk.