Police-in ILP nei lo an mante Thawn kîrna tur pawisa an nei lo
Mizoram Police chuan Inner Line Permit (ILP) nei lo an mante an awmna state-a thawn kîrna atana sum dah turin sorkar hnenah ngenna an thlen a, mahse, tun dinhmunah dah a la ni lo.
August 2019 vel khan Mizoram Police-te chuan ILP chungchang zir chiangtu tur an din a, chumi hnuah sorkarah ILP nei lo hnam dangte an state-a thawn kîrna atan sum dah turin sorkarah ngenna an thlen a ni.
Vanglaini palai zawhna chhangin IGP (Law & Order) LH Shanliana chuan, ILP nei lote thawn kirna atan hian sum dah a nih an la hriat loh thu a sawi a, "Home Minister ho chuan sawiho a ni tawh," a ti.
LH Shanliana sawi danin, ILP nei lo an mante thawn kirna atan hian sum eng emaw zat a ngai a, chuta tan chuan Mizoram Police-te'n a hranpaa sum an neih loh avangin harsatna an tâwk ṭhin a ni.