Chawimawina dawn lawm

Confederation of Indian Industries (CII) Foundation-in India ram pum huapa mi dangte hriselna leh nun kawng sialpuina lama thawk ṭha chawimawina an hlan, Vanlalruati, Positive Women Network of Mizoram (PWNM) president chuan nimin khan Hotel Regency hall-ah Pathian hnena lawmthu sawina inkhawm a buatsaih a, HIV/AIDS dona lama an thawhpui sorkar, NGO leh mimalte an tel.

Vanlalruati hi Ramhlun Venglaiah a pasal fanaute nen an cheng mek a; HIV positive niin, kum 2005 aṭangin HIV/AIDS donaah hma a la a, Positive Women Network of Mizoram a din a, PWNM hmang hian HIV do kawnga nasa takin a thawk a ni. Kohhran hrang hrangte'n an pui ṭhin a, nurse an rawih hlawh tur chu Mission Veng, Bethlehem leh Khatla Presbyterian Kohhran Hmeichhiate'n an tumsak a ni.

Vanlalruati hi PWNM hmanga a hmalakna avangin CII Foundation chuan tun hnai khan Women Examplar Award 2019 an hlan a ni.