Ganja neitute kum 10 tâng dawn

March 17, 2017-a ganja vanga man mi pahnih - Zamkhawgin (45) s/o Zamkhanning (L), Lamka, Manipur leh Lalsangzuala (31) s/o Laldenlien, NE Tlangnuam khuate chu Aizawl District Court-a Special Court (NDPS Act) chuan April 24, Nilaini khan thiam loh a chantir a; kum 10 chhung jail-a táng tur leh Rs. 500 cháwi turin a hrem.

Spcial Judge Lucy Lalrinthari order-a a lan danin, Zamkhawgin leh Lalsangzuala te hi Manipur aṭanga Mizorama ganja kg 20.150 an tawlh luh nen March 17, 2017 khan Excise & Narcotics enforcement-te'n an man a ni. An thubuaiah hian finfiahna hrang hrangte endik a nih hnuah Court chuan thutlukna siamin, ganja neitute chu NDPS Act Section 20(b)(ii) tlawhchhanin thiam loh a chantir a, rim taka hna thawk chunga kum 10 chhung jail-a táng tur leh Rs. 500 chawi turin a hrem ta a ni.