YMA hi thâ thlah hman kan ni lo - CYMA President

Lungsen Group YMA chuan tun hnai khan Lungsenah group conference an hmang a; an hun hmanpuitu Central YMA president Vanlalruata chuan, Mizoram dinhmun thlirin, YMA chu thâ thlah hman an nih loh thu a sawi.

CYMA President chuan, tun hnaiah CYMA hnuaia ruihhlo dotu SRS-te'n petrol pawlh dal, motor rûk hmang, ruihhlo leh buhfai tihchingpente an man thu sawiin, "Mizoram, Kristian ramah ring lo mite thurualpui a, sual rawngbawlpui duh an lo awm zel hi Kristian ram atan chuan a zahthlak hle. Hetiang hi kan ram dinhmun a nih avangin, YMA hian thâ kan thlah hman lo a, Mizoram tan kan pên zel ang," a ti.

Vanlalruata chuan, YMA inkhawmpui palaite chu ram leh hnam din chhuahna tur a nih phawt chuan hrehawm tuar ngam tura fuihin, "A ṭul chuan mahni inphat mai tur. Kan ram leh hnam tan chuan lu chhum bán chhum pawh kan huam a ngai," a ti a; Mizote chu an la tlem avangin fa neih tam lamah ṭan lak a pawimawh thu a sawi bawk.