FMGEW hotute'n Chief Minister kâwm

Mizoram sorkar hnathawkte pawl hrang hrangte inzawmkhawmna, Federation of Mizoram Govt. Employees & Workers (FMGEW) hruaitute chuan nimin khan chief minister Zoramthanga a pisaah an hmu a; an duh leh mamawh hrang hrang an thlen.

FMGEW hruaitute chuan, Mizoram sorkarin a hnuaia thawkte harsatna hrang hrang duhsak taka a chingfel ṭhin leh 7th. Pay pek ve an nih avangin an lawm thu an sawi a; Govt. Complex venga sorkar hnathawkte chenna tur housing complex sak tura hmalak tawh dante hrilhin, a hmuna enpui turin an sâwm a ni.

FMGEW hian Mizoram sorkar hnathawkte aiawhin Chief Minister's Relief Fund-ah Rs. 2,00,000 an chhûng lut nghal.