School fee chungchang sawiho

School fee chungchangah nimin khan School Education directorate conference hall-ah inrawnkhawmna neih a ni a; School Education director Lalzarmawii'n kaihruaiin, department officer te, Federation of Mizoram Government School Teacher Association (FMGST) leh Mizoram Independent School Association (MISA) hruaitute leh MZP hruaitute an tel.

Meeting-ah hian school fee chung­changa rawtna hrang hrangte sawiho a ni a, MZP-in an ngaimawh ṭhin - private school fee sang tihhniam dan turte pawh sawiho a ni. Mizoram puma school fee lak dan kalphung mumal, inrual tlang a awm theihna tura ruahmanna siam ni se an ti. Rawtna siamtu tur committee din a ni ang a, rawtnate chu thuenituten an thlir leh phawt ang.