Technical thil avangin Lunglei Municipal ngaihtuah lo

April 6, Thawhlehnia chief minister Zoramthanga hoa Council of Minister ṭhukhawm chuan technical thil avangin Lunglei Municipal Council din chungchang an ngaihtuah lo.

UDPA department chuan Cabinet meeting-a ngaihtuah turin Lunglei Municipal Council din rawtna agenda an nei a, mahse, ṭhutkhawm ṭan hmain an hnûk kîr a ni. Vanglaini palai zawhna chhángin UDPA secretary K Lalthawmmawia chuan, an rawtna siamah hian technical thila fel tâwk lo a awm tih meeting hmaa an hriat chhuah avangin hnuhkîr leh a nih thu a sawi.

K Lalthawmmawia chuan, Cabinet meeting awm leh hmasa berah Lunglei Municipal Council din rawtna agenda neih leh an tum thu a sawi a, "Technical thil fel tâwk lo awm hi remchang hmasa bera UDPA changtu Deputy Chief Minister hoa sawiho a ni ang. Agenda kan hnuhkìr avangin Lunglei Municipal Council din sorkarin a tum lo tihna a ni lo," a ti.