By-election sawn chungchang Bawhzui turin Governor ngen

PC party president Lalhmangaiha Sailo chuan nimin khan ziakin Governor PS Shreedharan Pillai hnenah ngenna a thlen a; Serchhip bial MLA by-election hun sawn tura ngenna an lo thlen tawh chu a rang thei ang bera bawhzui turin Governor a ngen.

Lalhmangaiha Sailo chuan, Serchhip biala by-election atana Election Commission of India-in ruahmanna a siam, vote thlak ní April 17 leh vote chhiar ní May 2-te chu Kristiante ni serh a nih avangin sawn turin political party-te leh kohhrante'n ngenna an thlen tawh tih a tarlang a, "Vawiin thlengin chhanna kan la hmu lo hi a ngaihṭhat thlak loh kan ti a. Hetianga ECI-in by-election chungchanga ruahmanna a siam hi kaltlangpui a nih chuan free and fare election kan nei pha lo ang tih a hlauhawm hle a ni," a ti.

PC President lehkha hi Governor a awm loh avangin secretary V Lalsangliana'n a dawng a; an ngenna chungchangah a rang thei ang bera ECI nawr turin PC President chuan Governor a ngen a ni.