Dawt ka tiam ve thei lo - Rindika Ralte

Hachhek South Block Congress chuan Thawhlehni khan Zomuantlangah khawmpui an hmang a, khuallian Hachhek bialtu MLA Lalrindika Ralte chuan dawt a tiam ve theih loh thu a sawi.

Lalrindika Ralte chuan Congress party ropuina atan leh MLA nih duh vang maiin, mipui rilru lak tumin dawt a tiam ve theih loh thu sawiin, "Mahni mimal hamṭhatna vangin tumah ka bum ve ngai lo ang che u. Nangni pawhin in mimal hamṭhatna chauh ngaihtuahin thil dik lo leh ṭha lo ti turin min ti lo turah ka ngai," a ti.

Mizoramah mipuite vangin MLA 40 kan nei tih sawiin Hachhek Bialtu MLA chuan, "Mipui erawh nuai 10 chuang kan awm. A ṭha lo mi 40 lek paih hi mipui tan a harsa lo. A ṭha lo paiha a ṭha thlan mai hi tute tan pawh a ṭha zawk vek a ni. Harsa mah se, he bial tana rinawm taka kan thawhhona hi a thlawn dawn lo," a ti a, hlim takin rinawmna rah an la seng ngei tur thu a sawi.