Florists Association-in khawmpui an hmang

Mizoram Florists' Association chuan tun hnai khan Horticulture directorate conference hall-ah inkhawmpui an hmang a, kum 2019-21 chhunga an office bearer turte an thlang nghal.

Florists' Association inkhawmpui hian resolution pathum an pass a; member-te pangpara intodelhna atana hma la turin pangpar leh plant-te mahni'n chíng punga thar chhuak tam tura ṭan lak te, member branch hrang hrang aṭanga kalte hnenah pangpar ching uar a, thar tam zawk nana hma la zel tura infuih thar te, pangpar leh plant chi hrang hrang anmahni'n an tihpun theih chite chu ram dang aṭanga la lut zel loa anmahni ngeiin tihpun tumte an rel a ni.

Kum 2019-21 chhung­a office bearer tur an thlang a; president-ah Dr Lalkailiani, senior vice president-ah Lalnuntluangi, vice president-ah Lalropari, general secretary-ah Liansangpuii, joint secretary-ah H Lalduhawmi, assistant secretary-ah R Lianhmingthangi, treasurer-ah Lalrintluangi leh finance secretary-ah Lallawmchhungi te an thlang.