Kulikawn an chak zel

Mapuia Cricket League-a an match hmasa berah Kulikawn CC-in Chhinga Veng ngam lo mah se an insiamṭha zel a, Inrinni khan Zarkawt Lords chu wicket liin an hneh leh ta.

Zarkawt Lords hian Kulikawn bowler C. Lalrinsanga ngam loin over 14.4-ah an out vek a, run 42 chiah an tlin! Rinsanga hian over li a vawmah run 17 lek pein wicket nga a la. Kulikawn hian over 12.2 lekah an target hi umphain wicket ruk chiah an hloh a, hnehna an chang ta a ni.

Inrinni inkhel dangah Ramhlun Venglai chuan wicket sarihin Chanmarians an hneh. Chanmari club bat hmasa zawkin over 20-ah run 116 an tlin a, wicket nga an hloh.

Chanmarians tan hian F. Lalmuanzuala chuan ball 42-ah run 45 siamin a che ṭha hle. Mahse, RVL tan Dibakar Johori (35 runs) leh Raju Das (35) te che ṭhain over 18.4-ah an target an umph a, wicket thum lek hlohin hnehna an chang ta a ni.

Inkhel Results
Kulikawn CC bt Zarkawt Lords CC
*Wicket liin Kulikawn an chak

Zarkawt Lords - 42/10 (14.4)
R Lalhlimpuia -9 (13)
C. Lalrinsanga - 17/5 (4)
Michael Lalremkima - 9/2 (4)

Kulikawn CC - 44/6 (12.2)
Michael Lalremkima - 11* (12)
Prajjwal Singh - 11 (23)
Lalrempuia - 14/5 (4)
Zothanzuala - 13/1 (3.2)

Ramhlun Venglai CC bt Chanmarians CC
*Wicket sarihin Ramhlun Venglai an chak

Chanmarians CC - 116/5 (20)
F Lalmuanzuala - 45(42)
Shubham Yadav - 38(35)
Dibakar Johori - 14/2 (3)
Lalrintluanga - 26/2 (4)

Ramhlun Venglai CC - 117/3 (18.4)
Dibakar Johori - 35 (23)
Raju Das - 35 (44)
H. Zothanchhunga - 19/1 (3)
Bobby Zothansanga - 19/1 (4)