Pangang puang sawiho

Champhai district-a vaimim eichhetu pangang Fall Army Worm (FAW) puang mek chungchangah tun hnai khan Champhai DAO James Vanlalluaia hoin official-te an ṭhukhawm.

Meeting-ah hian hmun hrang hranga vaimim eichhetu FAW puang mek dolet dan tur te, pangang hi an inthlahpun chak avangia bengchhit reng a ṭul thute leh enkawlna atan hian chemical aṭanga siam rannung thahna hlo hman a nih avangin loneitute fimkhur tura hrilhriat a ṭul thute tarlan a ni.

Circle hrang hrang viltute tarlan danin pangang hi vaimim chinna hmunah chuan hmuh tur a awm tawh mah se, tam tak erawh a la ni lo thung.

Meeting-ah hian circle in charge-ten a tam thei ang ber loneitute be pawp tura ruahmanna an siam a ni a, vaimim la him te chu IPM hmanga a vendan ngaihtuah ni se tih a ni a, light trap pawh a theihna hmu apiang­ah hmangin chemical erawh a ṭul tawpah lo chuan hman loh ni se, an ti bawk.