COVID-19: Mizoram dinhmun

April 7, Nilaini khan Mizoramah Covid-19 vei mi 14 hmuh chhuah a ni a, Mizoramah ni 80 chhunga hripui vei hmuh tam ber ní a ni. Mi 14 zingah natna (symptom) lang chhuak pali an awm. Vawiin khan hripui laka fihlîm tawh mi pathum chu Durtlang BSUP CCC aṭangin chhuahtir an ni.

SRH-ah mi 10 awm
State Referral Hospital-ah vawiin khan Covid-19 vei dah luh thar an awm lo a, vawiin tlai thleng khan enkawl lai mi 10 an awm. SRH-ZMC Bulletin tarlan danin, mi 10 zinga pahnih chu ICU-ah enkawl niin, pakhat zawk chu ventilator hmantir a ni a, ngaihtuahawm erawh a ni lo. Mi dang pariat chu Isolation ward-ah enkawl an ni.