COVID-19: Mizoram dinhmun Hripui vei mi 14 hmuh belh a ni

April 7, Nilaini khan Mizoramah Covid-19 vei mi 14 hmuh chhuah a ni a, Mizoramah ni 80 chhunga hripui vei hmuh tam ber ní a ni. Mi 14 zingah natna (symptom) lang chhuak pali an awm. Nimin khan hripui laka fihlîm tawh mi pathum chu Durtlang BSUP CCC aṭangin chhuahtir an ni.

Covid-19 vei hmuh thar mi 14-te chu RAT hmanga Aizawl, Lengpui Airport leh Kanhmun, Mamit district-a hmuh chhuah an ni a; ZMC laboratory leh TrueNAT-PCR hmanga swab sample endik zingah positive an awm lo.

Mizoramah Covid-19 vei mi 4,522 hmuh chhuah a ni tawh a, mipa 3,284 leh hmeichhia 1,238 an ni. Nimin tlai dar 5 thleng khan mi 4,454 (98.50%) chhuahtir an ni tawh a, mi 11 (0.24%) thi tawhin, enkawl mek mi 57 (1.26%) an awm.

April 7, Nilaini khan ZMC laboratory-ah swab sample 35, TrueNAT-PCR hmangin Lungleiah sample pahnih leh RAT hmangin district pasarihah sample 1,337 endik a ni a; sample endik zawng zawng chu 1,374 niin, chu'ng aṭanga hripui vei hmuh 14 chu 1.02% a ni.

Covid-19 positive hmuh thar mi 14 chu Mizoram pawn aṭanga rawn lut hlim mi 12 leh tualchhunga hr i kái chhaw ng mi pahnih an ni. Nilaini kha ni 80 chhung, January 9, 2021 hnua hripui vei hmuh tam ber ní a ni a, kum 2021 chhunga ni khata positive hmuh tam lamah palina niin, January 4-ah mi 20, January 8-ah mi 16, January 9-ah mi 17 hmuh chhuah a lo ni tawh'

April 7, 2021 thlengin Mizoramah swab sample 2,58,555 endik a ni tawh a, chu'ng aṭanga Covid-19 positive hmuh tawh zat 4,522 chu 1.75% a ni. Hripui vei hmuh tawh zingami 2,145 chu Mizoram chhunga kái chhâwng an ni a, mi 2,377 chu Mizoram páwn aṭanga an rawn luh hnua hmuh
chhuah an ni thung. Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a, chumi hnua
hmuh chhuah leh hmasak ber chu June 1, 2020-ah niin, ZMC laboratory-ah hmuh chhuah a ni. ZMCah hian Covid-19 positive 2,667 hmuh chhuah a ni tawh a, TrueNAT-PCR hmangin 679 leh RAT hmangin 1,175 hmuh chhuah a ni tawh.

Covid-19 vei hmuh tharte
Kanhmuna hmuh - 1:
Mipa kum 65, Agartala,
Tripura aṭanga rawn lut, Aizawla zin tum, symptom nei lo.

Lengpui Airport-a hmuh chhuah:
Bawgnkawn - 1 :
Hmeichhia kum =25, Lucknow aṭanga haw, symptom nei lo.
Chaltlang - 5: Mipa 2 leh hmeichhia 3. Hmeichhia kum 16 mi chu Bangalore aṭanga haw a ni. Mi dang zawng chu chhungkua niin, nupa kum 37 & 34 leh an fate kum 5 & 7 an ni a; pa berin symptom a nei.
Kulikawn - 1: Mipa kum 55, MZU-a professor hnam dang, Uttar Pradesh aṭanga rawn lut, symptom nei lo.
Chawlhhmun - 1: Mipa kum 23, Delhi aṭanga haw, symptom nei lo.
Sihhmui - 1: Hnam dang mipa kum 28, Delhi aṭanga rawn lut, symptom nei lo.
Kolasib - 1: Mipa kum 62, West Bengal aṭanga rawn lut, symptom nei lo.

Aizawla hmuh chhuah: 
Tuikual North - 1: Mipa kum 43, Assam aṭanga rawn lut, Aizawl a thlen hnua symptom a neih vanga private hospital-a endik, hri kaina hriat loh.
Kolasib - 1: Mipa kum 56, Aizawla private hospital-a sample endik, kaina hriat loh, symptom nei.
Khatla North - 1 :
Hmeichhia kum 29, tualchhunga kai, symptom nei, kaina hriat.