Mizorama Myanmar ráltlân dinhmun
Myanmar tualchhung buaina avanga ráltlân Mizorama lut chu mi sang khat an chuang tawh a; nimin theng khan Tuipuiral huam chhungah mi 1,200 chuang leh ingsai leh Cherhlun lamah mi 160 vel an lut tawh a, Aizawlah mi 400-500 inkar vel an awm tawh.
Thu dawn danin, Champhai district-a Tuipuiral Group YMA huam chhungah Myanmar ráltlân 1,225 an lut tawh a, an zinga mi 967 chu an huam chhunga an la awm mek laiin, mi 258 chuan Mizorama hmun/ khaw dang an pan tawh. A tam ber chu chhungkuaah mikhualin an thleng a, mi 155 erawh chuan in an luah thung.
Nilaini chawhnu lam leh nimin bikah ráltlân mi 66 an luh belh a, Farkawnah mi 37, Vaphaiah mi 24, ekteah pathum leh Khuangthing ah mi pahnih an luh belh a ni. Tuipuiral huam chhungah hian Farkawn khua chuan ráltlân an dawng tam ber a, mi 537 mikhual an nei tawh a, an zinga ṭhenkhat chuan khaw dang an pan tawh thung. Chhungkua 120 vel awmna Thekte khuaah chuan ráltlân mi 131 an nei tawh a, khuaa chhungkaw awm zat aṭanga chhûta ráltlân dawng tam ber an ni.
Hetih lai hian, Tuipuiral huam chhunga khua 23 awm zinga khaw paruk chu ráltlânin an la pan lo a; chu'ngte chu - Búngzung, Chawngtui, Khankàwn, Leisenzo, Vanzau leh Zawlsei te a ni.Tuipuirala Myanmar ráltlân ṭanpuina atan bialtu MLA Ramthanmawia chuan Rs. 1,00,000 a pe tawh a; MLA C Ngunlianchunga'n Rs. 20,000, YMA Sub-Hqrs, Champhai-in Rs. 50,000 leh Macau Mizote'n Rs. 54,780 an pe tawh bawk.
Chin Baptist Church, USA leh MZP ṭangkawp chuan Tuipuirala ráltlânte ṭanpuina tura an ruahman buhfai, alu, dailuah leh silpauline ṭhahnem tak chu nimin khan Aizawl aṭangin Tuipuiral an panpui bawk a ni. Mizoram leh Myanmar ramri hnaiha awm Lunglei district-a khaw pahnih, ingsai leh Cherhlunah chuan ráltlân mi 160 vel an lut tawh.
Thingsai VC president PC Lalremkunga hnen aṭanga thu dawn danin, ingsaiah ráltlân mi 130 vel an lut tawh a, ráltlân ṭhenkhat chu Myanmar-ah an lêt leh avangin mi 100 vel an awm mek niin an hria.
Thingsaia Myanmar ráltlân awm mek zinga mi mi ṭhenkhat chuan chhungkuain in an luah a, a tam ber erawh chuan an chhungkhat laináte
an fi n a, chhungkhat nei lo, Mizo mikhual inthlen dan pangngaia thleng an awm bawk. Myanmar ráltlânte tan ingsai YMA chuan ṭum
khat an khaw chhungah buhfai an khawn tawh a, buhfaite chu ráltlân awmna in tinah kg. 3 zelin an sem a ni.
VC President chuan, sorkar aṭangin puihna an la dawng lo tih a sawi. Cherhlun khuaah pawh kumin February thla aṭangin ráltlân an nei ṭan a, nimin thleng khan mi 30 vel lut tawhin, mi 17 an mikhual mek a, Myanmar police leh an chhungte an ni tlangpui. Cherhlun VC hruaitu Sangneihi hnen aṭanga thu dawn danin, Myanmar ráltlân Cherhlun khuain an mikhual mek mi 17 zinga panga chu ráltlânte awmna tura an ruahmanah awmin, VC-in an châwm mek a, mi 12 erawh chu an chhungkhat laináte inah an awm. Mi 10 chuang hret chuan khaw dang an pan tawh a ni.
Sangneihi chuan, ráltlânte awmna tura an ruahmana awm mi pangate chu VC sumin an châwm tih sawiin, "Sorkar aṭangin ṭanpuina kan dawng lo a, khaw chhungah donation pawh kan la khawn lo a, mahse, kan khawn ṭêp tawh ang," a ti. Sangneihi chuan, ráltlân zinga ṭhenkhat chu Assam Rifl es-te nen an intawn fuh avangin Myanmar-ah let tura tih ni mah se, VC leh DC hmalaknain lêttir an ni lo tih a sawi a; ráltlânte
chu sorkar duh dan angin identity card an siamsak vek thu a sawi bawk.