Kan party boruak a ṭha - Vanlalzawma

Mizo National Women Front, Serchhip West Block, Thenzawl chuan nimin khan  enzawl Joint YMA Hall-ah inkhawmpui an hmang a; an hun hmanpuitu MNF vice president leh by-election neih tura candidate Vanlalzawma chuan, by-election neih turah an party boruak a ṭhat thu a sawi.

Vanlalzawma chuan, Serchhip biala by-election neih tura party hruaitu leh party mite hmalaknaah a lawm thu sawiin, "Kan party boruak a ṭha hle. Tawktu zawng zawngte'n hun rei lo tê awmah hian kan theih ang tâwkin hma la chhunzawm zel ila, nakin lawkah hnehna kan chang ngei dawn tih ring ngam ang u," a ti.

MNF adviser K Lalrinliana pawhin thu sawiin, by-election awm tur chu Serchhip bial tan a lawmawm niin a sawi a, "Bial hmasawnna tur hun ṭha inher chhuakah opposi tion bial an nih duh ka ring lo. Serchhip bial mipuite hun ṭha hmang ṭangkai turin ka ngen a ni," tiin, sorkara mi pawimawh tur Vanlalzawma thlang tling se an inchhìr a rin loh thu a sawi a ni.