MHSA-in General Conference an hmang

Mizoram Horticulture Service Association (MHSA) chuan nimin khan Aijal Club-ah General Conference an hmang a, Horticulture department changtu chief minister Zoramthanga'n a hmanpui. 

Chief Minister chuan, Horticulture chu a pawimawh avangin work department tam tak awm karah a chan chat thu a sawi a, "Horticulture hi kan ram economy pui ber siamtu tur a ni a, chuvangin, kei pawhin ka ngai pawimawh a, restructured pawh a ni," a ti. Mizoramah boruak mél aṭanga tehin ram sq.km. 21,000 a awm thu sawiin Zoramthanga chuan, "Hrui pawtin teh ila, sq.km. 30,000 a tlin ka ring. Hectare 70,000 vel leileta siam theih a ni a, a bak horticulture enkawl theih a ni," a ti a; ram, sik leh sá leh ruahtui ṭhatna ni sia Delhi sum nghak ringawta awm chu chona a nih thu a sawi.

Chief Minister hian 'Restructuring of Mizoram Horticulture Service Cadre Posts & Offi ces, 2020' tih lehkhabu a tlangzarh nghal a ni. Khualzahawm Horticulture secretary JC Ramthanga, addl. CS chuan Horticulture dept. chu Mizoram sorkarin Mizoram khaichhuak tura a serh hran a nih thu sawiin, "Ei leh bara kan intodelhna atana pawimawh ber chu horticulture hi a ni," a ti a, loneitute puih chu department tih tur pawimawh tak a nih thu a sawi.

MHSA inkhawmpui hi an president Vanlalnuntluanga Renthlei-in a kaihruai a; adviser leh Horticulture director Elizabeth Saipari'n member thar mi panga MHSA-ah a lawm lut. Chawhnuah inkhawmpui thupui 'Horticulture for Economic Growth in Mizoram' tih sawihona leh rorel inkhawm an nei. MHSA-ah hian member 70 an awm mek a ni.