Covid-19 laka fimkhur turin sáwm

Covid-19 chungchanga sorkar thupuangtu Dr Pachuau Lalmalsawma chuan nimin khan Covid-19 hripui léng thawh hnihna (second wave) chungchangah thuchah a tichhuak a; invènna lama ṭan la thara fi mkhur turin mipui a sáwm.

Dr Pachuau Lalmalsawma chuan, tun April thlaah chawlhkar khat chhunga hripui vei hmuh zat leh February leh March thlaa vei hmuh chhuah zat a inzat thuak tih a sawi a, "A tam ber chu screening neihna hmun (Airport, Vairengte, Kanhmun)-a hmuh chhuah a ni," a ti.

Covid-19 Spokeperson chuam, tun hnai ni sarih chhunga Covid-19 positive hmuh chhuah zingah Mizoram páwn aṭanga lut mi 34 an awm thu sawiin, "Hei hi hmuh chhuah zawng zawng aṭangin 74% vel a tling. Kàina chin hriat loh mi pasarih leh positive contact mi panga an awm," a ti a; Covid hri tharin India rama state 18-ah bu a khuar mek thu a sawi.

Dr Pachuau Lalmalsawma chuan, Covid-19 laka invênnate zawm ṭhat a ṭul thu te, ṭul féah lo chuan zin chhuah leh puipunnaa kal pumpelh a ṭul thute a sawi a; Covid-19 hri thar hnathawh dan a danglam deuh tawh avangin nawmsam lohna eng pawh neite chu inentir vat turin a chah a ni.