CodNerc-in damdawi an sem

NGO CodNerc chuan nimin khan Armed Veng community hall-ah Armed Veng Local Council, YMA, MUP leh MHIP-te puihnain vitamin an sem a; nimin vek khan vitamin an sem dan chungchangah Dawrpui Hnamro hmun­ah NGO dangte tan trai­ning an buatsaih.

CodNerc hian kum 2005 aṭangin vantlang rawngbawl hna kawng hrang hrangin an thawk ṭhin a, Vitamins Angels nen ṭang dunin Mizoramah damdawi ṭha, a bikin nau paite leh naupangte tan an sem ṭhin. Damdawi an sem chu World Health Organization (WHO) kaltlanga kalpui a ni a, nu nau pai te, nausen thla 6-12 te leh naupang kum 5 chin tan an sem ṭhin a ni.

Armed Venga dam­dawi semna inkhawm tawiah CodNerc hotu B Lalchhanzova chuan, Mizoram hmun hrang hrangah damdawi ṭha sem zel an tum thu te, nikum lamah Armed Veng South-ah sem ṭan a nih thute leh, Aizawl khawpui chhung hmun hrang hranga sem zel a nih tur thute a sawi.