Scout & Guides patron atan Larsap la lut

Nimin khan Raj Bha­van Banquet Hall-ah Mizoram Bharat Scouts & Guides (MBSG) patron atan Governor Kummanam Rajasekharan chu rinawmna thu tiam­tira lak luh a ni.

Governor chuan, Scouts & Guides chu mi puitling, khua leh tui rin­tlak ni tura naupangte inzirna ṭha ber pakhat a nih thu a sawi a, "Sikul ka kal lai chuan scout ka ni ṭhin a, scout captain pawh ka ni tawh. Mizoram State Bharat Scouts & Guides mi 5,000 chuang hi ṭha taka kaihhruai an nih phawt chuan Mizoram hmélhmang tidanglam tur­in theihna an nei a ni," a ti.

Scouts & Guides thupui, 'Inring renga awm tur' tih chu ramri hrûla chengte tan phei chuan thil dik a nih thu sawiin Larsap chuan, "Mizoram hi a awmna hmunte'n a zir miau avangin lo inrálrin bik a ngai. Eng thil thil pawh lo thleng se, a chhungte chengte hi kan lo inpeih sa diam a ngai a ni," a ti a; zirlai tam zawkte Scouts & Guides-ah tel thei se a duh thu a sawi.

MBSG director Zothanmawia chuan Governor hi rinawmna thu tiamtirin MBSG patron atan a la lut a ni.