Duhoma'n Serchhip damdawi-in a fang

Serchhip bialtu MLA Lalduhoma, ZPM Legislature Party leader chuan nimin khan a Serchhip damdawi-in JN Hospital a tlawh a, damdawi-in hotute nen damdawi-in mamawhte an sawiho bakah a hmunhmate a fang.

Serchhip District Hospital hotute nen dam­dawi-in mamawh hrang hrang sawihoin, Serchhip khua leh a chhehvelin an mamawh em em a nih avangin ngaihthah chi a nih loh thu an sawi a; damdawi-in tihhmasawnna tur thil chi hrang hrang an sawiho a ni.

Lalduhoma chuan, Serchhip district chiah chu distict hospital changtlung nei lo awm­chhun an nia sawiin, zahthlak a tih thu a sawi a, "Hmalakna awm si loa lungphùm phùm ngawt a tâwk lo. Khati chen Chief Minister bial ni sia district hospital lungphùm phùm ringawta hmalakna leh tihchangthlunna awm chuang miah si lo hi a zahthlak hle a ni," a ti.