Zu siamna hmun tichhia

Excise & Narcotics department (END) enforcement chuan April 3-4 chhung khan Phunchawng leh Edenthar Veng ram chhungah zu dap beihpui an thlak a; zu siamna hmunte an tihchhiat bakah, rakzu eng emaw zat an man.

END hian April 3 khan zu siamna (factory) pariat tichhiain, rakzu litre 390, zu bilh lai ṭín 320, zu siamna bêl set 8 an man a; nimin khan zu siamna factory panga tichhiain, rakzu litre 60, zu bilh lai ṭîn 220 leh zu siamna bél set 8 an man.

Edenthar Veng khawtlang hruaitute nen thawkhoin Edenthar Veng ram chhung, Maumual leh a chhehvelah factory 14 an tichhia a, rakzu litre 60 leh zu bilh lai ṭin 3,958 an man bawk.