Covid-19 vangin SHG-te an che chhuak

Mizoram State Rural Livelihoods Mission (MzSRLM) hnuaia block hrang hrang Serchhip, East Lungdar, Thingdawl, Bilkhawthlir, Khawzawl, Khawbung, Reiek, West Phaileng, Lawngtlai, Chawngte, Siaha leh Tipa RD Block huam chhunga Village Organization (VO) leh Self Help Group (SHG) member te chu tunlai hian Covid-19 dona atan an pen chhuak a, an sumkhawl aṭangin Village Level Task Force (VLTF) te hnenah Rs 1,09,300 an hlan.

SHG member zinga puanṭhui thiamten Covid-19 laka invenna atana mamawh mask leh personal protective equipment (PPE) te an ṭhui a; a ṭul anga hman turin DC leh BDO te hnenah an hlan. South Dulte Women SHG-te chuan aloe vera sahbawn an siam chu Covid-19 donaa sorkar hmalakna an thlawpzia lantirnan VLTF leh khaw chhunga chhungkaw 206 hnenah a thlawnin an sem chhuak.