Upa leh rualbanlote'n vote an thlâk

Serchhip biala MLA by-elec­tion turah nimin aṭang khan kum 80 chin chung lam leh pianphunga rualbanlote chu an inah postal ballot hmang­in vote thlaktir ṭan a ni. Inthlan tak tak hmaa upate leh rualbanlote postal ballot hmanga vote thlaktir hi Mizoramah a vawi khatna a ni.

By-election neih turah hian Serchhip bialah kum 80 chung lam mi 144 leh rualbanlo mi 30 an awm a; an dil angin postal ballot hmanga an inah vote thlak chu Election Commission of India (ECI)-in a phalsak. ECI thu angin Official-te'n an inah an kalchilh.

Hetih lai hian, postal ballot hmanga vote thlak diltu mi 32-te chu pianphunga rualbanlo an ni tih finfiahna certifcate an neih loh avangin ECI chuan an dilna a hnâwl thung.