Rashtriya Gaurav Award dawng

Champhai North bialtu MLA Dr ZR Thiamsanga, Health and Family Welfare Board vice chairman ni bawk chuan nimin khan India International Friend­ship Society (IIFS) aṭangin India khua leh tui, ram chhung leh páwna awm, mi dang tana hnathawk ṭha chawimawina Rashtriya Gaurav Award a dawng.

Award hlanna inkhawm hi India International Centre, New Delhi-a IIFS Seminar on Economic Growth and National Inte­gration-ah neih a ni a; award hian trophy leh certi­ficate of excellence for meritorious services a keng a ni.

IIFS-in award dawng tura thlan a nih chhan a ziah dan chuan, Dr ZR Thiamsanga hian mi dangte'n nunna an neih nan theih­tawp a chhuah vang te, mi dang fuih leh tiphûr tura thil chhinchhiah tlak tak tak a tih vangte a ni.